ಲೇಖಕಿ ಅನಿತಾ ನರೇಶ್ ಮಂಚಿ ಪುಸ್ತಕ ಬಿಡುಗಡೆ, ಸಾಂಸ್ಕೃತಿಕ ವೈವಿಧ್ಯ

ಲೇಖಕಿ ಅನಿತಾ ನರೇಶ್ ಮಂಚಿ ಬರೆದ ಎರಡು ಪುಸ್ತಕಗಳು ಮಂಚಿಯ ಲೇಖಕಿಯ ಮನೆಯಲ್ಲಿ ಭಾನುವಾರ ನಡೆದ ಕಾರ್ಯಕ್ರಮದಲ್ಲಿ ಬಿಡುಗಡೆಗೊಂಡವು.

Pic: Ram Naresh Manchi

ಕಥಾಸಂಕಲನ ‘ನೈಲಾ’ ಮತ್ತು ವಿಜಯವಾಣಿ ಪತ್ರಿಕೆಯ ಅಂಕಣ ಬರಹಗಳ ಸಂಗ್ರಹ ‘ಮಹತಿ’ ಪುಸ್ತಕಗಳನ್ನು ಡಾ. ಸುರೇಖಾ ರವಿಶಂಕರ್ ಮತ್ತು ವೀಣಾ ಅನಂತ್ ಬಿಡುಗಡೆಗೊಳಿಸಿದರು. ಈ ಸಂದರ್ಭ ಮಾತನಾಡಿದ ಡಾ. ಸುಲೇಖಾ ಜೀವನದ ದಾರಿ ಚೆಂದವೆಂದು ಮೈಮರೆತು ಕುಳಿತುಕೊಳ್ಳುವಂತಿಲ್ಲ. ಸಾಧಿಸಬೇಕಾದದ್ದು ಇನ್ನಷ್ಟು ಇದೆ ಎಂಬ ಎಚ್ಚರ ಅಗತ್ಯ ಎಂದರು.

ಕಾರ್ಯಕ್ರಮವನ್ನು ಕೊಮ್ಮೆ ತಿಮ್ಮಣ್ಣ ಭಟ್ ಉದ್ಘಾಟಿಸಿದರು. ಮೇಘಾ ಕಾಯರ್ಪಾಡಿ ಪ್ರಾರ್ಥಿಸಿದರು. ಕೇಂದ್ರ ಸಂಗೀತ ನಾಟಕ ಅಕಾಡಮಿ ಪ್ರಶಸ್ತಿ ಪುರಸ್ಕೃತ ಯಕ್ಷಗಾನ ಕಲಾವಿದ ಕೆ. ಗೋವಿಂದ ಭಟ್ಟರು ಭಕ್ತ ಸುದಾಮ ಹರಿಕಥೆ ನಡೆಸಿಕೊಟ್ಟರು. ಸುಬ್ರಹ್ಮಣ್ಯ ಶಾಸ್ತ್ರಿ ಮಣಿಮುಂಡ ಮದ್ದಳೆಯಲ್ಲಿ ಸಹಕರಿಸಿದರು. ರೇಷ್ಮಾ ನರಸಿಂಹ ಕಜೆ, ಪ್ರಮೀಳಾ ಕೊಳಕೆ, ಮೇಘಾ ಕಾಯರ್ಪಾಡಿ, ಕೃತ್ತಿಕಾ ಮತ್ತು ಪಂಚಮಿ ಲಘು ಸಂಗೀತ, ಕಿಶೋರ್ ಭಟ್ ಕೊಮ್ಮೆ ಅವರಿಂದ ಯಕ್ಷಗಾನ ಹಾಡುಗಳು ಪ್ರಸ್ತುತಗೊಂಡವು. ರಾಜೇಂದ್ರಕೃಷ್ಣ ಪಂಜಿಗದ್ದೆ ಮತ್ತು ಗಣೇಶ ಭಟ್ ಬೆಳಾಲು ಸಹಕರಿಸಿದರು. ಅಭಿಲಾಷಾ ಕಿಶೋರ್ ಕಾರ್ಯಕ್ರಮ ನಿರೂಪಿಸಿದರು.

Be the first to comment on "ಲೇಖಕಿ ಅನಿತಾ ನರೇಶ್ ಮಂಚಿ ಪುಸ್ತಕ ಬಿಡುಗಡೆ, ಸಾಂಸ್ಕೃತಿಕ ವೈವಿಧ್ಯ"

Leave a comment

Your email address will not be published.


www.bantwalnews.com ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟಗೊಂಡ ಲೇಖನಗಳು ಹಾಗೂ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು ಬಂಟ್ವಾಳನ್ಯೂಸ್ ಗೆ ಸಂಬಂಧಿಸಿದ್ದು ಅಲ್ಲ. ಈ ಲೇಖನಗಳು ಅಥವಾ ಕಮೆಂಟ್ ಗಳನ್ನು ಯಾವುದೇ ಸಂದರ್ಭ ಬಂಟ್ವಾಳನ್ಯೂಸ್ ಸಂಪಾದಕೀಯ ಬಳಗ ತೆಗೆದುಹಾಕಬಹುದು. ಬಂಟ್ವಾಳನ್ಯೂಸ್ ಗೆ ಲೇಖನ ಅಥವಾ ಕಮೆಂಟ್ ಬರೆಯುವ ಸಂದರ್ಭ, ಆಕ್ಷೇಪಾರ್ಹ, ಮಾನಹಾನಿಕರ, ಪ್ರಚೋದನಕಾರಿ , ವ್ಯಕ್ತಿ, ಸಂಸ್ಥೆ, ಸಮುದಾಯ ವಿರುದ್ಧ ಹಿಂಸೆಗೆ ಪ್ರಚೋದಿಸುವಂಥ ಲೇಖನಗಳು, ಕಮೆಂಟ್ ಗಳನ್ನು ಹಾಕಬೇಡಿ. ಅಂಥದ್ದೇನಾದರೂ ಇದ್ದರೆ ನಮಗೆ ಈ ಮೈಲ್ ಮಾಡಿ, bantwalnews@gmail.com

*