ಓಟು ಹಾಕುವ ಮುನ್ನ ನೀವು ಏನು ಮಾಡಬೇಕು?

ಮತ್ತೆ ಸ್ಥಳೀಯ ಸಂಸ್ಥೆಗಳಿಗೆ ದಿನಾಂಕ 31.08.18ರಂದು ಚುನಾವಣೆ ನಡೆಯುತ್ತಿದೆ, ಪಕ್ಷದ ನೆಲೆಯಿಂದ ಅಭ್ಯರ್ಥಿಗಳು ನಿಮ್ಮ ಮನೆ ಬಾಗಿಲಿಗೆ ಮತ‌ಭಿಕ್ಷೆಗಾಗಿ ದೌಡಾಯಿಸುತ್ತಿದ್ದಾರೆ. ಆದರೆ, ಯಾರ ಕುರಿತೂ ಅನುಕಂಪ ಬೇಡ, ಭಾವುಕತನ ಬೇಡ. ನಮಗೆ ಬೇಕಾಗಿರುವುದು ಅಭಿವೃದ್ಧಿ ಅಭಿವೃದ್ಧಿ ಅಭಿವೃದ್ಧಿ.
ಹಾಗಾದರೆ ನೀವು ಮಾಡಬೇಕಾದುದೇನು?

ಈ ಕುರಿತು ಬಂಟ್ವಾಳ ಜೋಡುಮಾರ್ಗ ಕೈಕಂಬದ  ಸರಿದಂತರ ಪ್ರಕಾಶನ ಈ ಸಲಹೆಗಳನ್ನು ನೀಡಿದೆ. ಪ್ರೊ. ರಾಜಮಣಿ ರಾಮಕುಂಜ ಅವರು ಪ್ರಕಾಶನದ ರೂವಾರಿ.

  1. ಜಾತಿ, ಮತವನ್ನು ಮೀರಿದ ಉತ್ತಮ ವ್ಯಕ್ತಿ
  2. ಶುದ್ಧ ಚಾರಿತ್ರ್ಯವಂತ
  3. ಮತದಾರರೊಂದಿಗೆ ನಿರಂತರ ಸಂಪರ್ಕ ಇರಿಸಿಕೊಳ್ಳುವ
  4. ನಮ್ಮ ಅಹವಾಲುಗಳಿಗೆ ತಕ್ಷಣ ಸ್ಪಂದಿಸುವ
  5. ತಿಂಗಳಿಗೆ ಒಂದು ಸಲವಾದರೂ ತಮ್ಮ ಕ್ಷೇತ್ರಕ್ಕೆ ಭೇಟಿ ನೀಡಿ ಸಮಸ್ಯೆಗಳನ್ನು ಖುದ್ದಾಗಿ ಅರಿತುಕೊಳ್ಳುವ
  6. ಅಧಿಕಾರವನ್ನು ಸೇವೆಗಾಗಿ ಇರುವ ಅವಕಾಶ ಎಂದು ಭಾವಿಸುವ
  7. ಮತದಾರರೇ ಪ್ರಭುಗಳು, ನಾವು ಸೇವಕರು ಎಂದು ಭಾವಿಸುವ
  8. ಪ್ಲಾಸ್ಟಿಕ್ ಮುಕ್ತ ಹಾಗೂ ಸ್ವಚ್ಛ ಬಂಟ್ವಾಳದ ಕಲ್ಪನೆಯನ್ನು ಸಾಕಾರಗೊಳಿಸುವ

ಅಭ್ಯರ್ಥಿಗಳನ್ನೇ ಆರಿಸಿ.

  • ಈ ಹಿಂದಿನ ಅನುಭವಗಳೊಂದಿಗೆ ನಿಮ್ಮ ಅಭ್ಯರ್ಥಿಯನ್ನು ತೂಗಿ ನೋಡಿ ಮತದಾನ ಮಾಡಿ.
  • ಒದಗಿ ಬರುವ ಸೌಲಭ್ಯಗಳನ್ನು ದುರುಪಯೋಗಪಡಿಸುವ ಅಥವಾ ತಮ್ಮಸ್ವಾರ್ಥಕ್ಕೆ ಮತ್ತು ಸ್ವಹಿತಕ್ಕೆ ಬಳಸಿಕೊಳ್ಳುವವರು ಬೇಡವೇ ಬೇಡ.
  • ಸಣ್ಣ ಪುಟ್ಟ ಕೆಲಸಗಳಿಗೂ ತಮ್ಮ ಫೊಟೊ ಸಮೇತ ಅಭಿನಂದನಾ ಪ್ಲೆಕ್ಸ್ ಹಾಕಿಕೊಳ್ಳುವವರು ಬೇಕಾಗಿಯೇ ಇಲ್ಲ, ಯಾಕಂದ್ರೆ, ಅದು ನಮ್ಮ ತೆರಿಗೆಯ ಹಣ, ಕೆಲಸ ಮಾಡಿಸಬೇಕಾಗಿರುವುದು ಅವರ ಜವಾಬ್ದಾರಿ.
  • ನೀವು ನೀಡುವ ಒಂದೊಂದು ಮತಗಳೂ ಕೂಡ ನಿಮ್ಮ ತೆರಿಗೆಯ ಹಣದ ರಕ್ಷಣೆಗಾಗಿ, ಅದರ ಸದುಪಯೋಗಕ್ಕಾಗಿ, ಸಮರ್ಥ ಅಭ್ಯರ್ಥಿಗಾಗಿ, ನಿಮ್ಮ ಕ್ಷೇತ್ರದ ಅಭಿವೃದ್ಧಿಗಾಗಿ.
  • ಮತದಾನ ನಿಮ್ಮ ಹಕ್ಕು, ಕಡ್ಡಾಯವಾಗಿ ಮತದಾನ ಮಾಡಿ.

Be the first to comment on "ಓಟು ಹಾಕುವ ಮುನ್ನ ನೀವು ಏನು ಮಾಡಬೇಕು?"

Leave a comment

Your email address will not be published.


www.bantwalnews.com ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟಗೊಂಡ ಲೇಖನಗಳು ಹಾಗೂ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು ಬಂಟ್ವಾಳನ್ಯೂಸ್ ಗೆ ಸಂಬಂಧಿಸಿದ್ದು ಅಲ್ಲ. ಈ ಲೇಖನಗಳು ಅಥವಾ ಕಮೆಂಟ್ ಗಳನ್ನು ಯಾವುದೇ ಸಂದರ್ಭ ಬಂಟ್ವಾಳನ್ಯೂಸ್ ಸಂಪಾದಕೀಯ ಬಳಗ ತೆಗೆದುಹಾಕಬಹುದು. ಬಂಟ್ವಾಳನ್ಯೂಸ್ ಗೆ ಲೇಖನ ಅಥವಾ ಕಮೆಂಟ್ ಬರೆಯುವ ಸಂದರ್ಭ, ಆಕ್ಷೇಪಾರ್ಹ, ಮಾನಹಾನಿಕರ, ಪ್ರಚೋದನಕಾರಿ , ವ್ಯಕ್ತಿ, ಸಂಸ್ಥೆ, ಸಮುದಾಯ ವಿರುದ್ಧ ಹಿಂಸೆಗೆ ಪ್ರಚೋದಿಸುವಂಥ ಲೇಖನಗಳು, ಕಮೆಂಟ್ ಗಳನ್ನು ಹಾಕಬೇಡಿ. ಅಂಥದ್ದೇನಾದರೂ ಇದ್ದರೆ ನಮಗೆ ಈ ಮೈಲ್ ಮಾಡಿ, bantwalnews@gmail.com

*