ಕಾಫಿ ಕುಡಿದ್ರಾ?… ಅದ್ರಲ್ಲೇನಿದೆ ಗೊತ್ತಾ?

  • ಡಾ.ಎ.ಜಿ.ರವಿಶಂಕರ್

www.bantwalnews.com

ಕಾಫಿ ಆಯ್ತಾ?

ಇದು ಸಾಮಾನ್ಯವಾಗಿ ಚಹ ಕುಡಿಯುವವರನ್ನೂ ಕೇಳುವ ಪ್ರಶ್ನೆ. ಅಂದರೆ ಕಾಫಿ ಅಷ್ಟು ಪಾಪ್ಯುಲರ್. ಕೆಲವರು ಕಾಫಿಯನ್ನು ಹಿತವಾಗಿ ಹಾಗು ಮಿತವಾಗಿ ಬಳಸಿದರೆ ಇನ್ನು ಕೆಲವರು ಅವಾಗಾವಾಗ ಕುಡಿಯುವುದನ್ನು ಚಟವಾಗಿಸಿಕೊಂಡಿರುತ್ತಾರೆ. ನಿಯಮಿತವಾಗಿ ಬಳಸಿದರೆ ಕಾಫಿಯು ಆರೋಗ್ಯದಾಯಕವೂ ಮತ್ತು ಅತಿಯಾಗಿ ಬಳಸಿದರೆ ಅಸುಖಕಾರಕವೂ ಆಗಿದೆ.

  1. ಕಾಫಿಯು ನರಮಂಡಲದ ಉತ್ತೆಜಕವಾಗಿದ್ದು ವಯಸ್ಕರಲ್ಲಿ ಕಾಣುವ ಅಂಗಾಂಗಗಳ ನಡುಕವನ್ನು(parkinsons disease ) ಹತೋಟಿಗೆ ತರಲು ಸಹಕರಿಸುತ್ತದೆ.
  2. ಕಾಫಿ ಪಿತ್ತಜನಕಾಂಗಕ್ಕೆ ಉತ್ತೇಜಕವಾಗಿದ್ದು ರಕ್ತ ಪರಿಚಲನೆಯನ್ನು ಸರಿಯಾಗಿಸುತ್ತದೆ ಮತ್ತು ಪಿತ್ತಜನಕಾಂಗದ ಕ್ಯಾನ್ಸರ್ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ.
  3. ಕಾಫಿ ಮನಸ್ಸಿಗೆ ಸ್ಫೂರ್ತಿ ಮತ್ತು ಉತ್ಸಾಹವನ್ನು ನೀಡುವುದರ ಮೂಲಕ ಮನುಷ್ಯನ ಆಯಾಸವನ್ನು ನಿವಾರಿಸುತ್ತದೆ ಮತ್ತು ಕ್ರಿಯಾಶೀಲರನ್ನಾಗಿಸುತ್ತದೆ.
  4. ಕಾಫಿಯು ತಲೆ ನೋವನ್ನು (ಮೈಗ್ರೈನ್ ) ಶಮನಗೊಳಿಸುತ್ತದೆ.
  5. ಹಸಿವಿನ ಪ್ರಮಾಣವನ್ನು ಕಡಿಮೆ ಮಾಡುವುದರ ಮೂಲಕ ಶರೀರದ ಅಧಿಕ ತೂಕವನ್ನು ಕಡಿಮೆ ಮಾಡುತ್ತದೆ.
  6. ಶರೀರದ ಮಾಂಸಖಂಡಗಳ ನೋವನ್ನು ಕಡಿಮೆ ಮಾಡುತ್ತದೆ.
  7. ಇದು ಹೃದಯಕ್ಕೆ ಬಲದಾಯಕವಾಗಿದ್ದು ಹೃದಯದ ಕ್ರಿಯಾಸಾಮರ್ಥ್ಯವನ್ನು ಅಧಿಕಗೊಳಿಸುತ್ತದೆ.
  8. ಮೆದೋಜೀರಕ ಗ್ರಂಥಿಯನ್ನು ಉತ್ತೇಜಿಸುವ ಮೂಲಕ ಮಧುಮೇಹವನ್ನು ಹತೋಟಿಯಲ್ಲಿಡಲು ಸಹಕರಿಸುತ್ತದೆ.
  9. ಕಾಫಿಹುಡಿಯನ್ನು ಚರ್ಮಕ್ಕೆ ಹಾಕಿ ಉಜ್ಜಿದರೆ ಸತ್ತ ಚರ್ಮವು ಹೋಗಿ ಚರ್ಮಕ್ಕೆ ಕಾಂತಿ ಹಾಗು ನುಣುಪು ಬರುತ್ತದೆ.
  10. ತಲೆಗೆ ಹಾಕುವುದರಿಂದ ಕೂದಲು ಉದುರುವುದು ಕಡಿಮೆಯಾಗುತ್ತದೆ ಮತ್ತು ಕೂದಲು ನೀಳವಾಗಿ ಬೆಳೆಯುತ್ತದೆ.

ಅತಿಯಾಗಿ ಬಳಸಿದೆರೆ ……………

  • ಹೊಟ್ಟೆನೋವು, ಮಲಬದ್ದತೆ ಅಥವಾ ಭೇದಿ ಕಾಣಿಸಿಕೊಳ್ಳಬಹುದು.
  • ಶರೀರದಲ್ಲಿ ನೀರಿನ ಅಂಶ ಕಡಿಮೆಯಾಗಿ ಬಾಯಾರಿಕೆ,ಮಾಂಸಖಂಡಗಳ ನೋವು ಇತ್ಯಾದಿಗಳು ಕಾಣಿಸಿಕೊಳ್ಳಬಹುದು
  • ಇದು ನಿದ್ರಾಹೀನತೆಗೆ ಕಾರಣವಾಗಬಹುದು.
  • ಅತಿಯಾದ ಸೇವನೆ ಹೃದಯವನ್ನು ಅವಸಾದಗೊಳಿಸುತ್ತದೆ.
  • ಇದು ಚಟವಾಗಿ ಪರಿಣಮಿಸಿ ಶರೀರದ ಕ್ರಿಯೆಗಳನ್ನು ಮಂದಗೊಳಿಸಬಹುದು.

 

About the Author

Dr. Ravishankar A G
ಆಯುರ್ವೇದ ವೈದ್ಯಕೀಯ ಪದ್ಧತಿಯಲ್ಲಿ ಎಂ.ಎಸ್. (ಸ್ನಾತಕೋತ್ತರ) ಪದವೀಧರರಾಗಿರುವ ಡಾ.ರವಿಶಂಕರ ಎ.ಜಿ, ಮೂಡುಬಿದಿರೆ ಆಳ್ವಾಸ್ ಆಯುರ್ವೇದ ಮಹಾವಿದ್ಯಾಲಯ ಸ್ನಾತಕೋತ್ತರ ವಿಭಾಗ ಪ್ರಾಧ್ಯಾಪಕರು. ವಿಟ್ಲದಲ್ಲಿ ಚಿಕಿತ್ಸಾಲಯವನ್ನೂ ಹೊಂದಿದ್ದಾರೆ. ಮೂಲವ್ಯಾಧಿ, ಭಗಂಧರ, ಸೊಂಟನೋವು, ವಾತರೋಗ, ಶಿರಶೂಲ ಇತ್ಯಾದಿಗಳಲ್ಲಿ ಕ್ಷಾರಕರ್ಮ, ಅಗ್ನಿಕರ್ಮ, ರಕ್ತಮೋಕ್ಷಣ ಮೊದಲಾದ ವಿಶೇಷ ಚಿಕಿತ್ಸೆ ನೀಡುವುದರಲ್ಲಿ ಪರಿಣತರು.

1 Comment on "ಕಾಫಿ ಕುಡಿದ್ರಾ?… ಅದ್ರಲ್ಲೇನಿದೆ ಗೊತ್ತಾ?"

  1. ಕಾಫಿಯ ಬಗ್ಗೆ ಲೇಖನ ಚೆನ್ನಾಗಿತ್ತು ಆದರೆ ಈಗ ಪ್ರಸ್ತುತ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಕಾಫಿಯ ಹುಡಿಯ ಬಗ್ಗೆ ಮತ್ತು ಅದರಲ್ಲಿರುವ ಹಾನಿಕಾರಕ ಅಂಶಗಳ ಬಗ್ಗೆ ಕೂಡ ಮಾಹಿತಿ ಇದ್ದರೆ ಒಳ್ಳೆಯದಿತ್ತು

Leave a comment

Your email address will not be published.


www.bantwalnews.com ಬಂಟ್ವಾಳನ್ಯೂಸ್ ನಲ್ಲಿ ಪ್ರಕಟಗೊಂಡ ಲೇಖನಗಳು ಹಾಗೂ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು ಬಂಟ್ವಾಳನ್ಯೂಸ್ ಗೆ ಸಂಬಂಧಿಸಿದ್ದು ಅಲ್ಲ. ಈ ಲೇಖನಗಳು ಅಥವಾ ಕಮೆಂಟ್ ಗಳನ್ನು ಯಾವುದೇ ಸಂದರ್ಭ ಬಂಟ್ವಾಳನ್ಯೂಸ್ ಸಂಪಾದಕೀಯ ಬಳಗ ತೆಗೆದುಹಾಕಬಹುದು. ಬಂಟ್ವಾಳನ್ಯೂಸ್ ಗೆ ಲೇಖನ ಅಥವಾ ಕಮೆಂಟ್ ಬರೆಯುವ ಸಂದರ್ಭ, ಆಕ್ಷೇಪಾರ್ಹ, ಮಾನಹಾನಿಕರ, ಪ್ರಚೋದನಕಾರಿ , ವ್ಯಕ್ತಿ, ಸಂಸ್ಥೆ, ಸಮುದಾಯ ವಿರುದ್ಧ ಹಿಂಸೆಗೆ ಪ್ರಚೋದಿಸುವಂಥ ಲೇಖನಗಳು, ಕಮೆಂಟ್ ಗಳನ್ನು ಹಾಕಬೇಡಿ. ಅಂಥದ್ದೇನಾದರೂ ಇದ್ದರೆ ನಮಗೆ ಈ ಮೈಲ್ ಮಾಡಿ, bantwalnews@gmail.com

*